- Наставниците и учениците треба да бидат на своите работни места најдоцна до:
- прва смена – 7:15 часот,
- втора смена – 13:15 часот.
- Наставниците треба да доаѓаат најмалку 10-15 минути порано пред почетокот на часовите, а особено во понеделник, заради договор за тековните прашања во наредната недела.
- Наставниците треба навреме да одат на наставата и да не излегуваат предвреме од часот.
- Дневникот за работа треба, но и не мора да се носи на часот. Строго се забранува да се дава дневникот за работа на учениците.
- Учениците го користат ученичкиот влез го Гимназијата. Влезните врата ќе се заклучуваат по 7:15 часот, односно 13:15 часот, а ќе се отвораат само на големиот одмор, на малиот одмор(после 4 час) и по завршувањето на смената. Службениот влез е за персоналот и странките кои имаат одредена потреба да дојдат во училиштето. Дежурниот ученик на службениот влез го евидентира неговото присуство и сите забелешки тој ден во смената.
- Учениците треба редовно да ја следат наставата и проектните активности. Да не се ослободуваат учениците од час за разни потреби. Редовно да се запишуваат отсутните ученици, а за нередовноста следи изрекување педагошки мерки согласно Законот за средно образование, како и советување на нивните родители од училишниот психолог.
- Нема исклучување на ученици од часот поради недисциплина. Тие ученици ќе мора да ја посетат стручната служба заедно со претседателот на класот, а тоа ќе се забележи и во дневникот за работа на класот.
- Дежурните ученици не остануваат во училница, кога класот оди во кабинет или во спортска сала. Училницата се затвора од страна на пом-персоналот. Дежурните ученици за таа недела одговараат за се што се случува во паралелката, хигиената, опремата. Тие се должни за сите проблеми да го информираат класниот раководител, а во негово отсуство стручната служба, односно Управата на училиштето.
- Дежурните наставници се одговорни за реонот каде се определени и сите забелешки ги доставуваат до класните раководители, односно Управата на училиштето.
- Вработените, а посебно наставниците и учениците мора да внимаваат на своето однесување, својот изглед и уредност во облекувањето што одговара на една воспитно-образовна институција.
- Наставниците и учениците се должни да носат легитимации во вид на беџеви додека се во училиштето. Учениците се должни да носат униформи, заради безбедност во училиштето.
- Вработените, а особено наставниците и учениците треба пристојно да се однесуваат меѓу себе. Наставникот мора да ја почитува личноста на ученикот, а ученикот коректно да се однесува кон наставниците, останатите вработени, кон другите ученици.
- Вработените, а посебно наставниците и учениците мораат внимателно и домаќински да го користат училишниот инвентар и нагледните средства. Исто така, тие треба да придонесуваат за подобрување и збогатување на истиот. Штетата која ќе се јави, веднаш ќе биде надоместена, а ќе следат и соодветни дисциплински мерки.
- Родителите на учениците и другите странки, се должни да чекаат во холот пред наставничката канцеларија и не смеат со своето присуство да ја нарушуваат наставата.
- Најстрого се забранува внесување и конзумирање алкохол, дрога, внесување оружје и др. Средства опасни за луѓето во кругот на Гимназијата.
- Пушењето цигари е строго забрането во сите училишни простории.
- Вработените, а особено наставниците и учениците треба достојно да го чуваат угледот на училиштето, во и надвор од него, истакнувајќи се со свои човечки, стручни и солидни воспитно-образовни резултати.
За непочитување на овој Кодекс, следуваат соодветни казни за вработените според Законот за работни односи, а за учениците соодветни педагошки мерки.
СОУ Гимназија „Гоце Делчев“ – Куманово